Í Augsýn viðskiptavina í verslun

Uppbókað er á viðburðinn

Dagsetning

17. apríl 2026

Tímasetning

13:00 – 16:00

Staður

Grand hótel Reykjavík

Skoða dagskrá

Um viðburðinn

Smásölumiðlun skapar ný tækifæri til að ná til viðskiptavina í verslun

Smásölumiðlun (e. retail media) hefur á undanförnum árum notið aukinna vinsælda og er nú einn hraðast vaxandi auglýsingamiðill heims. Hagar bjóða samstarfsaðilum, sérfræðingum í smásölu, sölu og markaðssetningu á viðburð þar sem farið verður yfir nýjar leiðir til að miðla skilaboðum til viðskiptavina í verslun. Fjallað verður um hvernig auglýsingar í verslun, þar sem kaupin eiga sér stað, skapa tækifæri fyrir vörumerki til vaxtar og styrkja samtalið við neytendur.

Einn helsti sérfræðingur Norðurlanda á sviði smásölumiðlunar deilir reynslu sinni og kynnir árangur vörumerkja af notkun auglýsingamiðla í verslunum. Einnig munu sérfræðingar í smásölu fjalla um þessa nýju leið í markaðssetningu og hvernig samskipti við viðskiptavini og aukinn sýnileiki geta haft áhrif á sölu.

Að lokum taka reynslumiklir aðilar úr smásölu- og auglýsingageiranum þátt í umræðum og velta fyrir sér hvernig auglýsendur geta nýtt auglýsingamiðla í verslun til að ná betra samtali við viðskiptavini, á réttum stað og á réttum tíma.

Takmarkað sætaframboð er á viðburðinn og því hvetjum við áhugasama til að skrá sig og tryggja sér sæti.

Dagskrá · 17. apríl 2026

Dagskrá

13:00

Erindi

Nútíma tækni og miðlar

Bergur Ebbi opnar viðburðinn á hugvekju um auglýsingar, miðla og framtíðina.

Bergur Ebbi

Fundarstjóri

13:15

Erindi

Smásölumiðlun og tækifærin í íslenskri verslun

Finnur fer yfir í erindi sínu hvað smásölumiðlun (e. retail media) er og hvernig þjónustan hefur þróast á alþjóðamörkuðum. Hann fjallar um tækifærin fyrir birgja að auka sýnileika vörumerkja og hvernig auglýsingar í verslun geta styrkt samstarf birgja og smásala enn frekar og skapað tækifæri til vaxtar.

Finnur Oddsson

Forstjóri — Hagar

13:45

Erindi

Að breyta smásölu í miðil: lærdómur úr vegferð Matas

Matas Group er leiðandi smásölufyrirtæki á Norðurlöndum á sviði fegurðar og vellíðunar og þjónar milljónum viðskiptavina í gegnum verslanir sínar og stafræna miðla. Kathrine Rønhof Karstensen er yfirmaður smásölumiðlunar (e. retail media) hjá Matas. Hún hefur gegnt lykilhlutverki við að byggja upp heildstæða miðlaþjónustu sem spannar allt markaðsferlið (e.funnel) og er þjónustan drifin áfram af gögnum og endurgjöf viðskiptavina. Í þessu erindi segir hún frá þróuninni á auglýsingasölu hjá Matas frá árinu 2019 til dagsins í dag. Hún segir frá því hvernig stafrænar lausnir hafa gegnt lykilhlutverki í uppbyggingu þjónustunnar og hvernig hægt er að bjóða lausnir sem ná yfir allt markaðsferlið. Einnig deilir hún með gestum árangurssögum þekktra vörumerkja í smásölu og útskýrir hvers vegna þau hafa náð auknum vexti með þjónustu Matas.

Kathrine Rønhof Karstensen

Framkvæmdastjóri — Matas Media

14:30

Erindi

Miðlar sem skila viðskiptum

Sesselía kynnir nýja þjónustu Haga miðla og fer yfir markaðslegu tækifærin fyrir auglýsendur sem vilja auka sýnileika þar sem að kaupákvarðanir eru teknar. Hún kynnir þá auglýsingamiðla sem Hagar miðlar bjóða ásamt því að fara yfir árangur viðskiptavina sem hafa nýtt sér miðlana.